SANGALLENSIS Ditio

SANGALLENSIS Ditio

sub Abbate S. Galli, Principum munisicentiâ satis ampla est. De S. Gallo, a quo nomen tum oppido, de quo infra, tum coenobio et Abbati, de quo hîc, retro actum. Ille e Scotia oriundus, in Galliam cum Columbano Abbate, cuius discipulus erat, profectus, inde in Germaniam venit, cellamqueve circa A. C, 630. eô loci condidit, ubi hodie coenobium et oppid. ei cognomine visitur. Post eius obitum, Francorum Reges et Duces Alemanniae discipulorum illius pietate delectati, quum muneribus eos multis affecissent, namque iam tum Sigebertus Franciae Rex, fil. Dagoberti, totum illum terrae tractum, quem hodie ditionem Abbatiscellanam vocamus, illis donavit: crevit fratrum numerus, et cella in coenobium versa est. Primus his Abbas contigit Ottomarus, circa A. C. 710. ex sententia Pipini, filii Caroli Martelli, Francorum Principis: quô tempore D. Benedicti reguiam fratres profiteri coeperunt. Post haec Coenobium opibus et potentiâ in tantum crevit, ut huius loci Abbas inter Imperii Principes hodie numeretur: primo titulum hunc sibi vincidante Abbate Conradô, qui electus fuit A. C. 1226. Unde iam in Notgerum, qui A. C. 973. Abbas creatus est, ab Ekhardo illud Ciceronis adaptatum:

O fortunatam Galli, me Consule, cellam.

Fuit antiquitus sub tutela Imperator. Romanor. qui Coenobio advocatos ex nobilibus harum regionum, quae Alemanniae nomine censebantur, dedêre. Verum varias ob causas; bellô imprimis inter Abbatem et Abbatiscellanos exortô, cum cives oppidi et ex clientibus Abbatis plerique his faverent, Caspat Landenbergius Abbas ordine 52. petiit a quatuor Pagis Helvetiae Tiguro, Lucerna, Suitia et Glarona, se cum suis iure civitatis donari, eosque Coenobii Advocatos defensoresque suae libertatis constituit; A. C. 1451. Postea successor huius Ulricus, quod cives oppidi et Abbatiscellani cum subditis suis conspirantes, Rosaci coenobium destruxissent, arctius iis se iunxit, coenobium que emptô Comitatu Toggiensi, A. C. 1469. auxit. A quo tempore durat usque ad nostram aetatem societas, et quamvis non omnes Pagi eandem cum Abbate profiteantur religionem, mittunt tamen ex foedere Capitaneum, virum senatorii ordinis, qui bienniô cum Abbate manens, civilium rerum administrationi interest, et in his rebus privilegia et iura Monasterii cuetur. Vide Simlerum de Rep. Helv. Stumpf. deser. Turgeae, l. 5. etc. Hodiernus Abbas, ex illustri Sfondratorum Familia Caelestinus est, prius Episcopus Ticinensis, eruditione et scriptis, inprimis in causa Regalium, contra Praesules Gallos, inclitus.